قصيدة بن لملس الى بن عمر بن علي

من طرف ذيب الغلاسي الخميس يونيو 18, 2009 9:23 pm

[center]هذه القصيدة موجه من علي بن صالح بن أحمد بن لملس الخليفي
الى أحمد بن محمد بن عمر بن أحمد بن عمر بن علي

البدع :-

ما طاعت النفس تهدا والفؤاد يعود *** لهمومه اللي يصارعها مدى عمره
من بعد ما لامني نسل الكرم والجود *** لوم القريب اوقد الجمرة على الجمره
ياكيف صدقت هرج الحاسد المكبود *** اللي نواني بسمرة خسها سمره
ما تدري اني على مشيي معك محسود *** فالسفرة اللي كماها ماحصل سفره
ماجاد هذا الزمن مثلك ولا بيجود *** ماحد كما حمد يفضلني على عمره
ما هو سلا ياحمد ايضا ولا هو عود *** قد كنت سر النجاح وكلمت الشفره
بغيت ذكري يظلي دايما موجود *** يبقى معك يوم أنا ناوي على الهجره
أنا مسافر مسافر بالسفر موعود *** بكرة واذا ما حصل يمكن بعد بكره
أنا علي والعلي منه سقط جلمود *** لكن علي عاد جلموده على ظهره
أنا علي قد تحاوتني اليالي السود *** ذي كل وحده ولت توكل كما عشره
باب السهالة مقفل والامل مسدود *** ما حد كما صاحبك عمره عبر عبره
لا يقلبونك علي شف صاحبك محسود *** لني رفيقك بأجمل رحلة وسفره

الجواب:-

يامرحبا مرحبا ما فاح ريح العود *** بابياتكم يا علي دي زادت الحسره
الهرج مثني وصلنا ما وصل مفرود *** والارض فرت بنا فره قفا فره
و أقوالكم يا علي عندي عليها شهود *** لا تنكر اللي نطقته ليلة السهره
و لعاد ابكثر عليك اللوم والمنقود *** و ما فات قد فات عندي وانتسى أمره
والله رب السماء الواحد المعبود *** ما شي يغير حمد ولو كان في قبره
بيني وبينك عهود وموتقه ووعود *** ونبقى على عهدنا ياطيب العشره
اما الحسد يا علي شفني كذا محسود *** محسود في رفقتك يا عاليـ((ن)) ذكره
أنته رفيقي أنا وعنك أنا باذود *** بالروح والمال في يسره وفي عسره
من سفرتك يا علي شفني أنا المكبود *** خلك هنا في الحساء وش لك ولسفره
بيضيع عمرك وشف عمر الفتى معدود *** واليوم لا قد بكت باتبتسم بكره
باب الامل ما يتمي دايما مسدود *** لابد يومـ((ن)) يجي باتدفره دفره

[/center]

من طرف google الأربعاء يونيو 24, 2009 7:54 am

مشكور على الافادة وال الافضل انشاء الله
اخوك google

من طرف سابور الأحد ديسمبر 26, 2010 6:04 am

صح لسانك

قصيدة بن لملس الى بن عمر بن علي

قصيدة بن لملس الى بن عمر بن علي

رد: قصيدة بن لملس الى بن عمر بن علي

رد: قصيدة بن لملس الى بن عمر بن علي